大鬧煲呔
大鬧煲呔
連日來傳媒揭露特首曾蔭權曾接受富豪款待，先後坐過兩次私人飛機同埋兩次遊艇外遊，惹起社會嘩然，前日煲呔一日三度解畫，市民似乎未係好接受，民意反彈大鬧煲呔，除咗可以從電台烽煙節目感受到之外，網民喺特首辦facebook專頁大量留言亦可睇出端倪，呢股民憤認真唔簡單。
▲圖：大鬧煲呔
大鬧煲呔-「點解唔見飛機遊艇相？」
煲呔前日雖然受負面新聞困擾，但佢夜晚仲喺禮賓府宴請亞太經合組織商貿諮詢理事會，電訊盈科主席李澤楷、瑞安集團主席羅康瑞等都有到，特首辦之後仲將幾張晚宴相片上載到facebook。
點知網民睇到眼火都爆，怒氣未消，一日多已有過百留言，大部分都係大鬧煲呔接受富豪款待，行為不當。
▲圖：大鬧煲呔大鬧煲呔-煲呔坐遊艇過大海，告老住豪宅，有冇真正為巿民着想？
有人就留言話，煲呔安安樂樂坐遊艇過大海，告老福田住豪宅，坐私人飛機去影紅葉，問佢有冇真正為巿民着想？亦有網民問佢，點解無將私人飛機遊艇相上載，呢啲相重要過晚宴，睇怕煲呔要擺平件事真係唔易喇。
原文: 網民嬲爆 大鬧煲呔
keyword: 大鬧煲呔
▼大鬧煲呔 相關影片:
沒有留言:
張貼留言